سلطه لذيذه وسريعة التحضير ....

السلام عليكم
حبيت أعيكم وصفة لسلطة بس على فكرة وااايد حلوة
المقادير :
بطاطس طازج - باذنجان - علبة ذرة صغيرة - علبة شمندر مقطع - خبز - جبن شيدر(كرافت)- بقدونس ... يمكن تلقون اضافات تحت مع الطريقة

الطريقة :
نقطع البطاط و الباذنجان مكعبات صغيرة و نحمرها بالزيت .
وبعد ما نحمرهم نخلطهم مع بعض ونحط معاهم شوية بقدونس مقطع .
وبعدين نحط علبة الذرة فوقهم ... طبعا الذرة بس مو العلبة
وما ننسى نحط الشمندر المقطع
نخلط كل ما سبق مع شوية من عصير الليمون
الحين ناخذقطعة الخبز ونقطعا مربعات ونحمرها بالزيت ... وبعد التحمير نحطها فوق خليط السلطة وبدون لا نخلط الخبز يعني نحها ع الويه ( الوجه )

الحين دور الصلصة اللي فعلا لذيذة :
نخلط ... علبة روب ، قفشة كبيرة من الطحينة ، قفشة من الخل الابيض ، ونحط بعد المستطردة ( أتمنى اني كاتبتها صح ) اللي هي تصير صلصة حامضة لونها اصفر ، ونحط شوية مايونيز بعد ما نخلطهم نصبها فوق الخبز وما نخلط

الحين الطبق صار طبقات : اول شي المكونات الاساسية وبعدها طبقة الخبز وبعدين الصلصة
ولا ننسى نبشر جبنة الشيدر ونحطها فوق الصلصة وما نخلط

وعليكم بالعافية

مشكوووووره على السلطه من جد سريعة التحضير