ماجيت شاعر جيت كلي مشاعر=أما الشعر يا سحر كلن يقوله
جيتك على قد الأمل والمخاطر=جيتك بلا تاريخ حلمي بطوله
جيتك على كثر الألم بس صابر=بيني وبين الموت جوله و جوله
عاشق على كف الأمل جاك طاير=وأعلن على باب المحبه وصوله
خايف أقول الصدق خايف أكابر=وانا أعرفك ياروح روحي خجوله
أنا وطن للحب ماجيت عابر=وانا المطر اللي تمني هطوله
كتبت لك ثاني وثالث وعاشر=أنا الوحيد اللي توحد ميوله
وأنا الوحيد اللي زرعت الدفاتر=أسمك ورجّعني زمان الطفوله
عاشق دخل روحك بليا تذاكر=واختارك أول عمر واخر فصوله
(حبيبتي) واقولها لك وافاخر=بيتك بقلبي ولاحدن حام حوله
دامي كسبتك ، بعدك اليوم خاسر=أنا بدونك ورد يشكي ذبوله
وانا أعترف بالشعر ماني بشاطر=لكن كلام القلب لازم أقوله
موضوع: ماجيت شاعر جيت مشاعر...... 
الثلاثاء يوليو 15, 2008 12:31 pm
